मनोज डाँगी
कार्तिक २६, दाङ ।
दाङमा मंगलबार ट्रकले ठक्कर दिँदा तीन जनाको घटना स्थलमा नै मृत्यु भएको छ । राप्ती गाउँपालिका वडा नं ४ मौरीघाटमा पश्चिमबाट पूर्वतर्फ जाँदै गरेको ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई ठक्कर दिँदा मोटरसाइकलमा सवार तीन जनाको घटनास्थलमै मृत्यु भएको हो ।
राति ८ बजेतिर उक्त दुर्घटना भएको ईलाका प्रहरी कार्यालय भालुवाङका प्रहरी प्रमुख प्रहरी निरीक्षक भुवन भट्टले बताए । मृतक तीनै जनाको पहिचान खुल्न सकेको छैन । शव परीक्षणका लागि लमही अस्पतालमा राखिएको ईलाका प्रहरी कार्यालय भालुवाङ प्रहरी प्रमुख प्रहरी निरीक्षक भट्टले जानकारी दिएका छन् ।
