मनोज डाँगी
मङ्सिर ५, सुर्खेत
ट्रकको ठक्करबाट सुर्खेतको बोटेचौरमा एक जनाको मृत्यु भएको छ । छिन्चु–जाजरकोट सडक खण्डको बोटेचौरमा सल्लीबजारबाट छिन्चुतर्फ जाँदै गरेको ना ८ ख २३१४ नम्बरको ट्रकले पैदल यात्रीलाई ठक्कर दिँदा एक जनाको घटनास्थलमै मृत्यु भएको कर्णाली प्रदेश ट्राफिक प्रबक्ता प्रहरी निरीक्षक हरि पुनले जानकारी दिएका छ्न् ।
मृत्यु हुनेमा गुर्भाकोट नगरपालिका– ९ का ४८ धनबहादुर भण्डारी रहेको कर्णाली प्रदेश ट्राफिक प्रबक्ता
पुनले जानकारी दिए । उनका अनुसार दुर्घटनामा सोही ठाउँका ८ वर्षीय बालक भीमबहादुर खड्का, एक वर्षीय बाल भुवन खड्का घाइते भएका छन् ।
घाइते दुवै जनालाई उपचारको लागि नेपालगञ्ज लगिएको प्रबक्ता पुनको भनाई छ । दुर्घटना लगत्तै चालक फरार रहेको र उनको पहिचान नभएको खत्रीले बताए । ट्रकलाई प्रहरी चौकी मेहलकुनाले नियन्त्रणमा लिएर थप अनुसन्धान गरिरहेको छ ।
