कार्तिक १८,सुर्खेत ।
कर्णाली प्रदेशमा थप ६१ जनामा कोरोना पुष्टि भएको छ । यीमध्य सबैभन्दा बढी सुर्खेतका ३३ जना छन् । यस्तै दैलेखका १३, जुम्लाका ३, सल्यानका २, मुगु र रुकुम पश्चिमका १/१ जना र अन्य प्रदेशका ८ जना छन् ।
पछिल्लो २४ घण्टामा प्रदेश अस्पताल/पशुपन्छी रोग अन्वेषण प्रयोगशाला सुर्खेतमा ४४, दैलेख प्रयोगशालामा ११ र रुकुमपश्चिम प्रयोगशालामा गरिएको परीक्षणमा ६ जनामा कोरोना पुष्टि भएको सामाजिक विकास मन्त्रालयका स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलले जानकारी दिए ।
उनकाअनुसार योसँगै कर्णालीमा कोरोना संक्रमितको कुल संख्या ५ हजार ९ सय ७२ जना पुगेका छन् ।
हालसम्म कर्णालीमा सुर्खेतका २ हजार पाँच सय ५१, दैलेखका १ हजार ९, सल्यानका ५ सय १८, जुम्लाका ३ सय २३, कालिकोटका ३ सय २, रुकुमपश्चिमका १ सय ७४, जाजरकोटका १ सय ६, हुम्लाका ३४, मुगुका ३२, डोल्पाका १५ र अन्य प्रदेशका ४ सय ११ जना छन् ।
त्यस्तै, पछिल्लो २४ घण्टामा १ सय ६५ जना कोरोना जितेर डिस्चार्ज भएका छन् । कर्णालीमा कोरोना संक्रमण जितेर घर जानको कुल संख्या ५ हजार २ सय २३ जना पुगेका छन् । हालसम्म कर्णालीमा कोरोना संक्रमणबाट मृत्यु हुनेको संख्या १६ जना रहेको छ ।
