मनोज डाँगी,
सल्यान असोज २५ ।
सल्यानमा थप २ जनामा कोरोना भाइरस संक्रमण पुष्टि भएको छ । प्रदेश अस्पताल, पशुपंक्षी रोग अन्वेषण प्रयोगशाला सर्खेतमा गरिएको परिक्षणमा जिल्लाको त्रिबेणी गाउपालिकाका २ जनामा कोरोना संक्रमण पुष्टि भएको हो । जसमा त्रिबेणी गाउपालिका वडा नम्बर ३ का एक जना महिला र एक जना पुरुषमा संक्रमण पुष्टि भएको स्वास्थ्य शाखा संयोजक प्रभात श्रेष्ठले जानकारी दिएका छ्न । गत आइतबार कन्ट्रयाक्ट ट्रेसिङका क्रममा संकलन गरिएका स्वाव परिक्षण गर्दा २ जनाको रिपोर्ट पोजिटिभ आएको हो ।
यो सँगै सल्यानमा कोरोना संक्रमितको संख्या ४ सय २३ पुगेको स्वास्थ्य सेवा कार्यालय सल्यानका कोरोना फोकल पर्सन रिखाराम पुनले जानकारी दिए ।
यस्तै बन्गाड कुपिण्डे नगरपालिकाको बनगाड आइसोलेसनमा रहेका ११ जना संक्रमितले कोरोनालाई जितेर डिस्चार्ज भएको उनको भनाई छ । यससँगै सल्यानमा कोरोनालाई जितेर घर फर्किनेको संख्या ३ सय ८८ पुगेको छ । आइतवार १ सय ७१ जनाको स्वाव संकलन गरेर परिक्षणका लागी सुर्खेत पठाएकोमा १ सय १० जनाको स्वाव परिक्षण गर्दा २ जनाको रिपोर्ट पोजिटिभ आएको हो ।
उनले भने अझै ६१ वटा स्वावको रिपोर्ट आउन बाँकी रहेको छ । जनप्रतिनिधि, कर्मचारी र स्थानियमा कोरोना देखिएपछि असोज १३ गते देखी गाउँपालिकाको कार्यालय लगाएतको क्षेत्र सिल गरिएको छ ।
