टिकापुर
कैलालीको टीकापुरस्थित सशस्त्र प्रहरी बल नेपाल राजश्व तथा औद्योगिक तालिम शिक्षालयमा तालिमका क्रममा सात जना सशस्त्र प्रहरी जवान बेहोस भएका छन .
सशस्त्र प्रहरी जवानको आधारभूत तालिमअन्तर्गत २ सय मिटर दौड गर्ने क्रममा उनीहरू एकाएक बेहोस भएका हुन्। बेहोस हुनेमा तालिमरत जवान बलबहादुर बस्नेत, गणेश रावत, मनबहादुर बस्नेत, चिनबहादुर थामी, किरननाथ योगी, धिरज थापा, सुरेश शाही र भूपेन्द्र बस्नेत रहेका छन्।
बेहोस भएका मध्ये ६ जनालाई नेपाली सेनाको हेलिकोप्टरमार्फत थप उपचारका लागि काठमाडौँ पठाइएको छ।
अन्य एक जनाको भने टीकापुर अस्पतालमा उपचार भइरहेको जनाइएको छ। घटनाबारे थप विवरण आउन बाँकी रहेको सम्बन्धित निकायले जनाएको छ।
सशस्त्र प्रहरीको तालिमका क्रममा सात जवान बेहोस
कर्णाली लाइभ
।
८ जेष्ठ २०८३, शुक्रबार १४:१०