मङ्सिर-२४, दैलेख ।
दैलेखमा ट्रकको ठक्करबाट एक जना पैदल यात्री महिलाको मृत्यू भएको छ । दैलेख सदरमुकामको बारुदखाना नजिक लु २ ख ४००८ नम्बरको ट्रकले ठक्कर दिंदा पैदल यात्रु नौमूले गाउँपालिका–५ सालकोटकी ४६ वर्षीया अमृता बिकको घटना स्थलमै मृत्यू भएको प्रहरीले जनाएको छ ।
फाइल तस्वीर ।
काँडाचौरबाट पैदल हिँडेर दैलेख अस्पताल जाँदै गरेकी बिकलाई विपरित दिसाबाट आइरहेको उक्त ट्रकले ठक्कर दिंदा घटनास्थलमा मृत्यू भएको जिल्ला प्रहरी कार्यालय दैलेखका प्रहरी निरीक्षक सत्यनारायण चौधरीले जानकारी दिएका छन् । ती महिला सुगरकाे उपचारकाे लागि अस्पताल जाँदै गर्दा उक्त दुर्घटना भएकाे हाे ।
ठक्कर दिए लगत्तै भाग्न लागेको अवस्थामा स्थानीयले दिएको हुलिया अनुसार प्रहरीले ठक्कर दिने ट्रक र अर्घाखाँचीको छत्रदेब गाउँपालिका–३ बलकाेट घर भएका ट्रक चालक गणेश दमाईलाई नियन्त्रणमा लिएको र घटनाको अनुसन्धान थालिएको प्रहरी निरीक्षक चौधरीले बताए ।
