जेठ-२५, काठमाडौं। कारागारमा रहेको थुनुवालाई छुटाइ दिन्छु भनी रकम ठगी गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा सिन्धुपाल्चोक चौतारा नगरपालिका-१ का ४२ वर्षीय सञ्च तामाङ रहेका छन् ।
उनलाई काठमाडौं उपत्यका अपराध अनुसन्धान कार्यालयको विशेष टोलीले बानेश्वरबाट पक्राउ गरेको हो। पक्राउ परेका उनलाई थप अनुसन्धान तथा कारबाहीको लागि जिल्ला प्रहरी परिसर काठमाडौं पठाइएको प्रहरीले जनाएको छ ।
उनले वैदेशिक रोजगार ठगी मुद्दामा थुनामा रहेका थुनुवालाई छुटाइ दिने भन्दै ४ लाख रुपैया लिई सम्पर्कविहीन भएको प्रहरीको आरोप छ ।
