असार-१३, सुर्खेत ।
वीरेन्द्रनगरस्थित घण्टाघर चोकमा मोटरसाईकलको ठक्करबाट एक महिलाको मृत्यु भएको छ । घण्टाघर चोकबाट कपासेतर्फ जाँदै गरेको मोटरसाईकलको ठक्करबाट वीरेन्द्रनगर–७ बस्ने ५० वर्षीया टिका सुनारको मृत्यु भएको हो ।
कर्णाली प्रदेश ०२ ००१ प ४७६१ नम्बरको मोटरसाइलको ठक्करबाट गम्भीर घाइते सुनारको उपचारको क्रममा कर्णाली प्रदेश अस्पताल कालागाउँमा मृत्यु भएको जिल्ला प्रहरी कार्यालय सुर्खेतले जानकारी दिएको छ ।
मृतक सुनारको शव प्रदेश अस्पतालमा राखिएको छ । चालक महावु गाउँपालिका–६ का ३३ वर्षीय तेजबहादुर शाहीलाई प्रहरीले नियन्त्रणमा लिएको छ ।
