बाजुरा, असोज १७ ।
बाजुराको हिमाली गाउँपालिका-५, को कवाडी खोलामा बगेर एकै परिवारका पाँच जना बेपत्ता भएका छन् । बेपत्ता हुनेमा हिमाली-५, का धर्म नेपालीकी श्रीमती ३० वर्षीया सत्ता नेपाली, उनकी ५ बर्षिया छोरी आरती, ४ बर्षिया छोरी सन्तोषी, २ बर्षिय छोरा सम्मान र १ बर्षिया छोरी किस्मती रहेका छन् ।
शुक्रवार अपराह्न छोराछोरीसमेत लिएर खोलामा नुहाउन गएका बेला उनिहरु सबै बगेर बेपत्ता भएको जिल्ला प्रहरी कार्यालय बाजुराका प्रहरी निरीक्षक लोकेन्द्रसिंह ठगुन्नाले जानकारी दिएका छ्न् । सोही खोलाले बगाउँदा करीब दुई महिना अगाडि एक बालिका बगेर बेपत्ता भएकी थिइन् । बेपत्ता भएकाहरूको खोजी भइरहेको प्रहरीले जनाएको छ ।
