मनोज डाँगी
रुकुम (पूर्व) माघ १३
रुकुम पुर्वमा ट्याक्टर दुर्घटना हुँदा एक जनाको निधन भएको छ।
सोमबार राती साढे ९ बजेतिर सिस्ने‐५ को पाथिहाल्नेबाट डोजरको बकेट बोकेर सिस्ने‐५ स्थित रुकुमकोट तर्फ जाँदै गएको लु ४ प ४१८५ नम्बरको ट्याक्टर अनियन्त्रित भएर दुर्घटना हुँदा घाइते भएका सह-चालक इन्द्र बहादुर बुढाथोकीको उपचारका क्रममा रुकुमपूर्व अस्पतालमा मृत्यु भएको जिल्ला प्रहरी कार्यालय रुकुम पुर्वका प्रहरी प्रमुख प्रहरी नायव उपरीक्षक गणेशबहादुर श्रेष्ठले जानकारी दिएका छ्न् ।
सिस्ने गाउँपालिका‐५ स्थित रुमालबारामा ट्याक्टर दुर्घटना हुँदा ट्याक्टर सह‐चालक सोही वडाका २१ वर्षीय इन्द्रबहादुर बुढाथोकीको निधन भएको हो । डीएसपी श्रेष्ठका अनुसार उक्त दुर्घटनामा परी ट्याक्टर चालक सिस्ने‐५ का २१ वर्षीय जीवन बुढाथोकी घाइते भएका छन् । घाइते बुढाथोकीको थप उपचारका लागि सोमबार राती नै नेपालगञ्ज रिफर गरिएको प्रहरी प्रमुख श्रेष्ठले बताएका छ्न् ।
