काठमाडौं, २ कात्तिक ।
विश्वव्यापी महामारीको रुपमा फैलिएको कोरोना भाइरस (कोभिड–१९) संक्रमितको संख्या ४ करोड नजिक पुगेको छ ।
विश्वभरका संक्रमित व्यक्तिको विवरण राख्दै आएको वल्डोमिटरका अनुसार अहिलेसम्म विश्वभर ३ करोड ९९ लाख ३८ हजार ५ सय ६५ जनामा कोरोना पुष्टि भएको छ ।
जसमध्ये निको हुनेको संख्या झण्डै ३ करोड छ । २ करोड ९८ लाख ८४ हजार ७ सय ८८ जना डिस्चार्ज भएका छन् । बाँकी ८९ लाख ५६ हजार ९३२ जनाको उपचार भइराखेको छ ।
उपचार गराइराखेका मध्ये ७१ हजार ९ सय ३४ जनाको अवस्था जटिल छ । ८ लाख ७१ हजारको अवस्था सामान्य रहेको वल्डोमिटरले जनाएको छ ।
अहिलेसम्म विश्वभर ११ लाख १४ हजारको भने कोरोना संक्रमणका कारण ज्यान गएको छ । विश्वभर सबैभन्दा धेरै अमेरिकामा ८३ लाख ४२ हजारमा कोरोना पुष्टि भएको छ । जसमध्ये ५४ लाख ३२ हजार निको भएका छन् । २ लाख २४ हजारको भने मृत्यु भएको छ ।
७४ लाख ९२ हजारमा कोरोना पुष्टि भएको भारतमा ६५ लाख ९४ हजारले कोरोना जितेका छन् । १ लाख १४ हजारको कोरोनाले मृत्यु भएको छ ।
पछिल्लो २४ घण्टामा मात्रै भारतमा १ हजार ३२ जनाको मृत्यु भएको छ । यसैगरी संक्रमित धेरै भएको देशको सूचीमा तेस्रो स्थानमा रहेको ब्राजिलमा ५२ लाख २४ हजारमा कोरोना पुष्टि भएको छ । त्यहाँ ४६ लाख ३५ हजार निको भएका छन् भने १ लाख ५३ हजारको मृत्यु भएके छ ।
पहिलो संक्रमण पुष्टि भएको ९ महिना पुग्दा नेपालमा संक्रमितको संख्या एक लाख २९ हजार ३०४ पुगेको छ । स्वास्थ्य तथा जनसंख्या मन्त्रालयका अनुसार ८९ हजार ८४० डिस्चार्ज हुँदा ७२७ जनाको कोरोनाले मृत्यु भएको छ । नेपालमा अहिले सक्रिय संक्रमितको संख्या ३८ हजार ७३७ पुगेको छ ।