बैतडी असोज २३ ।
बैतडीमा शुक्रबार जिप दुर्घटना हुँदा १० जना घाइते भएका छन् । पञ्चेश्वर गाउँपालिकाको आम्चोराबाट कुलाउतर्फ जाँदै गरेको से १ ज ८८८ नम्बरको जिप दुर्घटना हुँदा १० जना सामान्य घाइते भएको जिल्ला प्रहरी कार्यालय बैतडीका प्रमुख प्रहरी नायव उपरीक्षक नारायणप्रसाद अधिकारीले जानकारी दिए ।
घाइतेहरुलाई आम्चोरा स्वास्थ्यचौकीमा सामान्य उपचारपछि थप उपचारका लागि डडेल्धुरा रेफर गरिएको उनले बताए ।
जिप सडकबाट करिब ५० मिटर तल खसेको बताइएको छ। घटनाको कारण खुल्न नसकेको प्रहरीले जनाएको छ। दुर्घटना बिहान १० बजेतिर भएको हो।