मनोज डाँगी
असोज २१, जाजरकोट ।
जिल्लाको जुनीचाँदे गाउँपालिको लोडनीमा यात्रुवाहक जीप दुर्घटना हुदाँ वडाध्यक्ष सहित पाँच जनाको ज्यान गएको छ । सदरमुकाम जाजरकोट खलंगाबाट जुनीचाँदे गाउँपालिकाको कार्यपालिकाको बैठकको लागी हिडेका वडाध्यक्ष सहितको टोलि दुर्घटनामा परेका हुन् । लोडनीमा दुर्घटना भएको जीपमा जुनीचाँदे गाउँपालिका वडा न ११ का वडाध्यक्ष अमर बहादुर शाही सहित ५ जनाको ज्यान गएको जिल्ला प्रहरी कार्यालय जाजरकोटका प्रहरी प्रमुख डिएसपी किशोर श्रेष्ठले जानकारी दिएका छ्न । उनका अनुसार, भे १ ज ९३५ नम्बरको जीप दुर्घटना भएको छ ।
५ जनाको ज्यान गएको र १ जनालाई उपचारको लागी जिल्ला सदरमुकाम जाजरकोट ल्याउने प्रक्रिया भएको प्रहरी प्रमुख श्रेष्ठको भनाइ छ । थप २ जना वेपत्ता रहेको प्रहरीको भनाइ छ । साथै मृत्यु हुनेमध्य ४ जनाको सनाखत हुन बाकी छ । स्थानीयको अवरोधका कारण प्रहरी प्रशासनलाई खोजी गर्न समस्या भईरहेको जानकारी आएको प्रहरी प्रमुख डिएसपी श्रेष्ठले प्रारम्भिक जानकारी आएको बताए । जिप जुनेचाँदी गाउँपालिका १ ओलभिर बन्ने ठाउँमा दुघटना भएको हो । उक्त जिप सडक बाट ५ सय मिटर तल खोलामा खसेको प्रहरीको भनाइ छ ।